| Navigation |
 Home Photo Galery Arabic Music Quran Karim Muxaadaro Salal Tv Universal Tv Warsan Tv The Kroax Rayo Tv |
| Random Media |
Waraysi dhinacyo badan taabanaya oo aan layeelanay gudoomiyaha da’da yar ee madasha akhriska ee maskaxmaal mudane “C/laahi Xuseen Caateeye” 
Waraysi Aad U Xiiso Badan Oo Aanu Layelanay Abwaan Weyn Mowliid Aden Qol Qol Qaybtii Koowaad.
Wareysi Aan La Yeelanay maamulaha markiska Salaaxudiin Islaamic Center Sh.cumar Axmed Cumar.
Wareysi Aan La Yeelanay Hormuudka Kuliyada Shaybaadhka Ee Jamacada Caamuud Dr:maxamed Da'ud.
Wareysi Aanu La Yeelanay Maamulaha Dugsiga Sare ee Ubaya Binu Kacab Mustafe Muxumed Alabari. 
Wareysi Aani La Yeelanay Hormuudka Kuliyada Ganacsiga iyo Maareynta ee Jaamacada Camuud Prof: Yurub C/raxman Muumin.
DR. Ali Sheikh Ahmed Abubakar(Gudoomiyaha Jaamacadda Muqdisho) oo aan la yeelanay waraysi khaas ah .Q1aad, No News
| Bulshooy codkaagii ma kootiyo wareegto la eedo buu dhalay! |
| Tan iyo intii xukumada siilaanyo la wareegtay maamulka dalka waxaa madaxtooyada ka soo burqanayey wareegtooyin doora oo aan badhkood si cilmiyeysan looga baaran degin lagana fiirsan raadka, saameeynta iyo cidhib danbeedkay bulshada dhexdeeda ku yeelan karaan sida colaad,khalkhal iyo dibudhac.wareegtooyinka xukumadda siilaanyo soo saarto waxay had iyo jeer dhaliyaan xasaasiyad iyo doodo xajiimaysan oo warbaahinta laysku weydaarsado, Muujinayana in lagu kala aragti duwan yahay hadafka iyo fariimaha wareegtooyinku xanbaarsan yihiin kuwaasoo badiyaaba bulshada kala fadila suurtogalna ka dhigi kara in wadajirka umadu kala faquuqmo aakhirkana hayb iyo kooxo loo kala safan karo,qaarkalana waxa laga dhaxlaa cawaaqib xumo iyo mudaharaadyo halisa oo bulshoweynta somaliland ku dhex abuura jawi qalafsan oo dalku ku sigto inuu galo xaalad murugsan,kaaga darane wareegtoyinka badidooda maba muuqato baahi loo qabo waqtiga la soo saarey sida wareegtadii sababtey khilaafkii ugu daraa abid ee lagu soo dhextuuray maamulka jaamacadda xukumaddu maamusho ee hargeisa inkastoo wareegtadaa madaxweyne siilaanyo ka noqdey markuu arkey xasaraddey koobsatey. Waxaa run iyo biyo kama dhibcaana in wareegtooyinku soo saarey madaxweyne siilaanyo qaarkood murunadii iyo yooyootankay dhaliyeen weli taagan yahay sida wareegtada kootada kaybalka isgaadhsiinta (submarine fiber optic cables)oo dadka taageersan iyo kuwa diidan doodahooda iyo xafiiltankoodu mararka qaar cirka isku shareero,kootoyinka caynkan oo kale ahi waxay lid iyo docfaruur ku yihiin dastuurka iyo shuruucda dalka waxaana laga fili karaa inay sababaan jahawareer iyo murug siyaasadeed ka xoog weyn kuwan hadda aloosan.haddaba aan isdultaago dulucda qormadeyda ee wareegto kootaysani maxay tartaa? Bulshaday kala fadishaa! Waayo wareegtadii koowaad ee madaxweyne siilaanyo soo saarey intii xafiiska loo dhaariyey waxay ahayd kootada kaybalka isgaadhsiinta loogu xidhay shirkadda somcable muddo 25 sanno ah (mudada cimriga keybalku shaqayn karo). wareegtadani waxay xuquuq gaara u siinaysaa shirkada somcable inay keligeed keeni karto,kana ganacsan karto kaybalka haddaan si kale u dhigana inaan lala wadaagi Karin,lagulana tartami Karin isgaadhsiinta dalka mudo 25 sanno ah. Kootadu waa mashruuc horseedi kara khalkhal ganacsi,lidna ku ah ganacsiga xorta ah dhinac kale haddaan ka istaagnana diinta islaamka iyo qaanuunka dalku midkoodna ma ogola kooto ganacsi (monopoly). Nidaamka kootadu wuxuu dib ugu celin karaa bulshada taariikho xunxun,fashilaad ama hagardaamooyin dalkani ka soo gudbay berri hore oo aynu xasuusan karo xanuunkay lahaayeen iyo raadadkey ka tageen,haddaan kootooyinka la xakamayna waxaa suurtogal ah In ifafaaleyaal isku dul noolaansho degdeg u soo muuqan karaan,haddii iskudul noolaansho timaadana burbur filo!.hadal gunbuu leeyahaye kootada isgaadhsiintu waxay hordhac u tahay xeelado cusub oo lagu wiiqaayo wadajirka iyo wada noolaanshaha bulshoweynta reer soomaaliland. Ogow dastuurka iyo dhaqanka ganacsiga soomaaliland-ba waxaa ku qeexan in ganacsigu xor iyo tartan yahay dalkana cid kastaa maalgashan karto muwaadin iyo ajaaniba balse mihiimadu tahay in qaanuunka la waafajiyo.haddaba maxaa sababey in madaxweyne siilaanyo ogolaado kootadii uu ka qeylin jiray markuu mucaaridka ahaa,islamarkaana jadiidiyo kuwo dahsoon oo xukumadihii ka horeeyay galeen? Muxuuse madaxweyne siilaanyo sidii uu hore u ballanqaadey boqolkii maalmood ee muddo xileedkiisa u horeeyay barlamaanka u horkeeni waayey heshiishyada kooteysan ee isaga iyo xukumaddiisu galeen si loo looga doodo? Murti baa ah timir laf baa ku jirta!.muxuu riyaale ku waayey kalsoonida shacabka ? sahlanaa dee gabood fal sharci sida kootadii shidaalka total iyo kootadii xoolaha aljaabiri!.haddaba haddii somcable jabuuti-somalilader tahay dalkom-na Somali-somalilander maxaa ka maanacaya inay ku tartaman suuqa ka ganacsiga isgaadhsiinta iyo keenida kaybalka marba haddii qaanuunka dalku ogol yahay maalgashi shisheeye iyo maalgashi wadani labadaba. wareegtooyinka ka soo baxa madaxtooyada qaar badan baan la mahadin sida tii lagu magacaabey guddidii hogaaaminta jaamacadda xukumaddu maamusho ee hargeisa,wareegtadaasi waxay abuurtey khalkhal,muran,boos ceshi iyo isxulufaysi dhaliyey mudaharaadyo ka aloosmey jaamacada gudaheeda, Abaabulayaashii mudaharaadka qaar maamulka cusub ayey ku taageerayeen qaarkalana wey ku diidanaayeen si kale haddaan u dhigana mudahaaradyo ujeedo badana oo khalkhaliyey habsami u socodkii hawlaha waxbarasho iyo maamul ee jaamacadda aan ku soo koobo!.wixii qalalaase iyo qas dhexmaray bahda jaamacadda (ardey iyo maamulba) iyo hadaladii qaawanaa ee warbaahinta laysku weydaarsadey maalmihii xaaladu cakirnayd wareegtadii madaxtooyadu soo saartaa koobsatey. Waxaase nasiibdaro ah in madaxweyne silaanyo wareegtadii hore wareegto kale oo burinaysa ka soo daba saarey, yeelkeede wareegtadaasi waa tii sababtay khilaafka iyo shakiga soo kala dhexgalay maamuladuu madaxweyne siilaanyo jaamacadda u magacaabey,wareegtadanu waxay bixisay sawir ah inaaney markii horeba kalsooni iyo hubsiimo ku filan haysan oo docfaruur ahayd. La soco qeyb kale oo xiiso badan. ENG: MAXAMED JAAMAC AXMED (MASKAX) |
Posted by salalnews
on March 27 2011 ·
2 Comments ·
3546 Reads ·
|
| Comments |
| Post Comment |
| Please Login to Post a Comment. |
| Ratings |
|
Rating is available to Members only.
Please login or register to vote. No Ratings have been Posted.
|
Sharciyadda Kubbada Cagta iyo Qoddob kasta wixii uu khuseeyo 
Proff.Axmed Ismaacil Samatar Jaaliyada Soomaaliyeed ee magalada Oslo kula kulmay Jaamacada Oslo..(Sawiro) 
| Login |